বিশ্বৰ সৰ্বোচ্চ দলংখন চীনত মুকলি হ’ব, যাৰ ফলত যাত্ৰাৰ সময় দুঘণ্টাৰ পৰা মাত্ৰ এক মিনিটলৈ হ্ৰাস পাব বুলি চৰকাৰী সংবাদ মাধ্যমে প্ৰকাশ কৰিছে।
দক্ষিণ-পশ্চিম চীনৰ গুইঝৌত নিৰ্মাণ কাৰ্য প্ৰায় সম্পূৰ্ণ হৈছে আৰু গ্ৰীষ্মকালত হুয়াজিয়াং গ্ৰেণ্ড কেনিয়ন দলং নিৰ্মাণৰ কাম শেষ হ’ব।
ইয়াৰ জোখ নদীৰ জলপৃষ্ঠৰ পৰা ২০৫১ ফুট হ’ব, যিটো বৰ্তমানৰ আটাইতকৈ ওখ দলঙৰ খিতাপধাৰী ফ্ৰান্সৰ মিলাউ ভায়াডাক্টতকৈ ৯৪৭ ফুট ওখ।
এই দলংখনে হুয়াজিয়াং গ্ৰেণ্ড কেনিয়ন পাৰ হৈ যায়, যাক “পৃথিৱীৰ ফাট” বুলিও কোৱা হয়।
গুইঝৌৰ স্থানীয় ৰাজ্যিক সংবাদ মাধ্যমে জনোৱা মতে, ২০২২ চনৰ ১৮ জানুৱাৰীৰ পৰা নিৰ্মাণৰ কাম আৰম্ভ হৈছিল আৰু ২০২৫ চনৰ ৩০ জুনত সম্পূৰ্ণ হোৱাৰ সম্ভাৱনা আছে।
গুইঝৌ হাইৱে গ্ৰুপৰ মুখ্য অভিযন্তা জাং শ্বেংলিনে চৰকাৰী কাকত চাইনা ডেইলীক জনাইছে যে, “বৰ্তমান দলংখনৰ সামগ্ৰিক অগ্ৰগতি ৯৫% হৈছে, আৰু ২০২৫ চনৰ দ্বিতীয়াৰ্ধত ইয়াক যাতায়তৰ বাবে মুকলি কৰাৰ পৰিকল্পনা কৰা হৈছে।
“তেতিয়ালৈকে “পৃথিৱীৰ ফাট”ক সামৰি লোৱা এই ছুপাৰ প্ৰজেক্টটো হ’ব দুয়োটা দিশতে বিশ্বৰ প্ৰথমটো। ই চীনৰ আন্তঃগাঁথনিৰ শক্তি প্ৰদৰ্শনৰ আন এক ল্যাণ্ডমাৰ্ক প্ৰজেক্ট হৈ পৰিব।’
বৰ্তমান বিশ্বৰ শীৰ্ষ ১০০ খন ওখ দলঙৰ প্ৰায় আধা অংশ গুইজৌত আছে।
